2026.4.6-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,616,825 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2026.4.4 《前一篇

回應

給他日記貼紙

給他愛的鼓勵

檢舉

篇名: 2026.4.6
作者: C	日期: 2026.04.06　　天氣: 　心情:

今仔日是四月初六禮拜一。昨昏清明。今仔日補假。我佇魔力摸非。
昨昏早起阿母叫我去排潤餅皮，因為阿嫂佇舊菜市仔無看著人咧拭。
我就借太太機車騎去揣，結果踅兩輪嘛攏無，問人，聽講舊年由有兩三間咧做。
有人報賣菜彼擔有寄賣，我去問，結果是愛先訂。
閣有人報吉林街猶有，我就騎過去看。結果人咧排潤餅夾，毋是潤餅皮。
我想著山東街嘛有，格其過去看，排甲長落落，攏是潤餅夾。
我放棄矣，阿母講阿嫂嘛有買著潤餅夾拜拜矣。
我無聊就上網揣，真正有幾偌位有咧賣，我就敲電話去訂，半點鐘後去提。

往過干焦知影菜市仔有人咧拭潤餅皮，但是愛誠早去攑牌仔等，毋是阿爸去就是阿妹仔去。
這馬知矣，明年就愛先敲電話注文才會使。

下晡囡仔看電視了就叫我陪伊去學校運動
伊提四軸機佮籃球去耍。
伊先佮我拍籃球，結果我投三四粒攏無入，伊竟然講：
爸，你老了，不中用了。

這句予我誠大的刺激。
進前，伊看著影片內底少年爸爸陪囡仔耍，誠欣羨，講一句：有年輕爸爸真好。
我就知影伊心內的真正想法。

我無法度控制家己歲數一直老去，但是我愛有法度予伊感覺我會一直陪伊大漢
伊欲行的路，我敢會當一直行佇伊的頭前共牽，會當靠，無共擋？
我要求伊做的工課，我敢會當嘛用相仝的要求來對家己講？伊才讀三年仔爾爾。

丈姆閣發燒矣。兩禮拜前雖然割膽了有退，但是昨昏煞閣燒起來。
太太昨暝講可能會去台中蹛幾工。
這个連假了囡仔就連鞭欲考試矣，我工課嘛綴咧無閒。
紲落來，一步棋一步險，我就愛較斟酌細膩咧。

標籤:

瀏覽次數:21 人氣指數:41 累積鼓勵:1

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：