2026.2.28-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,609,640 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2026.2.21 《前一篇

回應

給他日記貼紙

給他愛的鼓勵

檢舉

篇名: 2026.2.28
作者: C	日期: 2026.02.28　　天氣: 　心情:

今仔日是二月二十八，禮拜六，我佇露易莎摸非。
昨昏中晝，阿母講是請囝婿，去自強路來來食。老實講，料理無舊年遐好矣。
阿兄無來，因為阿嫂身體無爽快。
講著阿嫂，最近講伊身體佗位佗位無爽快，啥物攏毋做。
阿母就三頓家己款，厝內加己摒，連阿爸身體無拄好，攏是阿母陪阿母顧。
我嘛感覺誠歹勢。
我原本幫阿嫂定一份素食，結果伊講伊欲家己紮物件去食就好，我就共素食退掉
阿兄知影，就講伊嘛無愛去食矣。
原來阿兄從以早就誠反對阿母請囝婿攏就去餐廳。
所以這擺嘛無欲去。
這對翁仔某誠怪奇，厝內的活動無一擺參加過。
阿爸以早講袂輸是稅厝徛的。
阿姐佮姊夫逐禮拜買菜轉來，開的就毋但按呢，一冬才請食一頓又閣按怎？
何況阿姐一禮拜兩三逝轉來陪阿爸阿母開講弈牌仔
長照嘛是伊去走伊去納錢
阿爸手機仔錢嘛是
阿母啥物代誌臨時攏教伊做，實在誠歹勢，恩情嘛真大。
一个人照顧兩个家庭的老人實在嘛真無簡單。

最近網路逐家攏咧講政治，
但是我嘛袂當講，愈袂當講，愈無講，就愈袂曉講矣
歷史事件一層一層予社會看著總是好代誌
以早社會是黃鐘毀棄，瓦釜雷鳴
這嘛鐘擺又閣晃轉來矣，但是反彈一定會閣來
只要社會一直進步總是會天光。
我嘛是袂當講政治，只好惦惦看遐做惡做毒的，繼續囂俳

職場上嘛是按呢
咱的權限是軟性的。
產品愈做愈歹，是因為奧客愈來愈濟
看袂過嘛袂當如何
昨昏一位大姊講伊欲退休矣
伊位誠優秀的員工，是前頭家建議我會當向伊學習的
伊嘛是擋袂牢這个趨勢
我毋知猶會當擋幾冬才退休？

丈母前幾工講閣發燒蹛院，腰尺的問題
太太今仔暗欲綴伊大哥轉去台中看狀況。

標籤:

瀏覽次數:1 人氣指數:1 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：